Fréttir

  Mánudaginn 11. nóvember ætlar Menntaskólinn á Tröllaskaga í samstarfi við Sambíó að bjóða nemendum sínum  og nemendum í eldri bekkjum grunnskóla Dalvíkur og Fjallabyggðar í bíó á myndina Disconnect .   Disconnect er gríðarlega áhrifamikil mynd sem líður áhorfendum seint úr minni Hér eru sagðar þrjár aðskildar sögur sem tengjast internetinu og enda sem ein heild. Fyrsta sagan er um lögfræðing sem áttar sig á því að sonur hans er orðinn fórnarlamb skelfilegs eineltis eftir að hafa opinberað sig á spjallrás. Um leið kynnumst við drengnum sem stendur fyrir eineltinu og föður hans sem er fyrrverandi lögreglumaður. Önnur sagan er um ung hjón sem verða fyrir því að bankareikningar þeirra eru tæmdir. Þriðja sagan er síðan um blaðakonu sem gerir alvarleg mistök.   Sýning fyrir 8. 9. og 10. bekk Grunnskóla Fjallabyggðar verður kl. 17:00   Rúta fer frá torginu Siglufirði kl. 16:15 og heim aftur eftir myndina

Mynd: Gunnlaugur Guðleifsson Nú á dögunum færði Sparisjóður Siglufjarðar skólanum tvær ipad mini spjaldtölvur í tilefni 140 ára afmælis Sparisjóðsins. Guðlaug Dagný Guðmundsdóttir formaður afmælisnefndar Sparisjóðsins og Ólafur Jónsson Sparisjóðsstjóri afhentu Jónínu Magnúsdóttur tölvurnar.   Ekki leikur vafi á að tölvurnar  munu nýtast vel og auka gæði skólastarfsins og færum við kærar þakkir fyrir.  

MEIRIHLUTI ÍSLENSKRA BARNA OG UNGLINGA SKOÐAR SAMSKIPTASÍÐUR DAGLEGA SAFT1 stóð nýverið fyrir könnun á netnotkun barna og unglinga hér á landi. Markmið könnunarinnar er að afla upplýsinga um notkun barna og unglinga á netinu og nýta í kjölfarið þær upplýsingar til vitundarvakningar um möguleika netsins og örugga netnotkun barna og unglinga. Sjá tilkynninguna og niðurstöðu könnunarinnar í heild sinni hér fyrir neðan. Fréttatilkynning Fylgiskjal/niðurstöður

Ágætu foreldrar og forráðamenn Tími endurskinsmerkja er runninn upp og samkvæmt venju hafa umsjónarkennarar hvatt nemendur sína til að taka þau í notkun. Við viljum minna alla nemendur á að nota endurskinsmerki og helst endurskinsvesti. Einnig viljum við minna á að þeir sem ferðast um á hjóli verða að útvega sér ljós á hjólið, bæði að framan og aftan. Við hvetjum alla foreldra og forráðamenn til að fylgja þessu eftir heima og aðstoða börn sín að setja merkin á réttu staðina. Endurskinsmerkin og vestin eru lífsnauðsynleg eftir að dimma tekur. Sjónarhorn ökumanna er annað en gangandi og hjólandi vegfarenda þegar ferðast er um í myrkri. Ökumenn sjá ekki aðra vegfarendur úr fjarlægð nema að þeir noti ljós og/eða gott endurskin. Höfum þetta hugfast og verum vel upplýst í umferðinni! Endurskinskveðja

Í dag hélt Kristján Guðmundsson frá Dalvík áhrifaríkan fyrirlestur fyrir eldri deild skólans, í boði Sparisjóðs Siglufjarðar, og sátu nemendur og hlustuðu af athygli í þá klukkustund sem fyrirlesturinn varði. Kristján lenti í mjög alvarlegu slysi í löndun á Dalvík fyrir nokkrum árum, þegar fiskikör hrundu yfir hann, og var vart hugað líf fyrstu vikurnar, svo illa meiddist hann. Með ótrúlegri þrautseigju og jákvæðni tókst Kristjáni að ná það góðri heilsu að hann getur gengið og lifað ágætu lífi þó enn sé töluvert í land að ná fullri heilsu, og óvíst að það takist nokkurn tíma. Kristján ræðir við nemendur og kennarar hlusta af athygli líka

 Í síðust viku lék veðrið aldeilis við okkur og voru margir sem  nýttu sér það til útiveru. 1. -4. bekkur við Tjarnarstíg var að  læra um ýmsa hluti tengda haustinu og nýtti sér veðrið í það. Hér má sjá tvær myndir af þeim.

Í dag heimsótti Einar Mikael töframaður alla nemendur við skólann og sýndi þeim nokkur töfrabrögð. Óhætt er að segja að nemendur hafi fylgst áhugasamir með eins og sést á meðfylgjandi myndum.  

S.l fimmtudag hljóp unglingastigið hið árlega Norræna skólahlaup. Þátttaka og áhugi nemenda var til fyrirmyndar og hér fyrir neðan má sjá niðurstöður hlaupsins. 8. bekkur hljóp 8.4 km á hvern nemenda 9. bekkur hljóp 7.8 km á hvern nemenda 10. bekkur hljóp 6.8 km á hvern nemenda Yngri bekkirnir hlupu sitt Norræna skólahlaup í ratleiknum í síðustu viku svo allir nemendur skólans tóku þátt í hlaupinu. Markmið - með norræna skólahlaupinu er leitast við: Að hvetja nemendur til þess að æfa hlaup og auka með því útiveru og hreyfingu Að kynna og skýra nauðsyn þess að hreyfa sig, reyna á líkama sinn og stuðla þannig að betri heilsu og vellíðan  

Í dag var hreystidagur í skólanum. Yngsta stigið sameinaðist á Siglufirði ásamt unglingastiginu og var miðstigið á Ólafsfirði. Í þetta sinn var farið í ratleik um bæina og lék veðrið við okkur, sól og blíða. Nemendur fengu kort af þeim bæ sem þeir voru í og þurftu að finna ákveðna staði sem voru merktir inn á kortið. Á hverri stoppistöð biðu þeirra mismunandi þrautir. Bæði fyrirtæki og einstaklingar tóku vel á móti nemendum og veittu þeim aðstoð við þrautirnar og færum við þeim þakkir fyrir það.  Fleiri myndir má sjá í myndasafni.

Þessa stundina eru samræmdu prófin að hefjast hjá nemendum í 10. bekk en þessa vikuna munu einnig 4. og 7. bekkur taka sín samræmdu próf. Hér má sjá dagsetningar á öllum prófunum. Mánudagur       10. bekkur             íslenska Þriðjudagur      10. bekkur             enska Miðvikudagur    10. bekkur             stærðfræði Fimmtudagur     4. og 7. bekkur       íslenska Föstudagur       4. og 7. bekkur       stærðfræði