Fréttir

Í dag hélt Kristján Guðmundsson frá Dalvík áhrifaríkan fyrirlestur fyrir eldri deild skólans, í boði Sparisjóðs Siglufjarðar, og sátu nemendur og hlustuðu af athygli í þá klukkustund sem fyrirlesturinn varði. Kristján lenti í mjög alvarlegu slysi í löndun á Dalvík fyrir nokkrum árum, þegar fiskikör hrundu yfir hann, og var vart hugað líf fyrstu vikurnar, svo illa meiddist hann. Með ótrúlegri þrautseigju og jákvæðni tókst Kristjáni að ná það góðri heilsu að hann getur gengið og lifað ágætu lífi þó enn sé töluvert í land að ná fullri heilsu, og óvíst að það takist nokkurn tíma. Kristján ræðir við nemendur og kennarar hlusta af athygli líka

 Í síðust viku lék veðrið aldeilis við okkur og voru margir sem  nýttu sér það til útiveru. 1. -4. bekkur við Tjarnarstíg var að  læra um ýmsa hluti tengda haustinu og nýtti sér veðrið í það. Hér má sjá tvær myndir af þeim.

Í dag heimsótti Einar Mikael töframaður alla nemendur við skólann og sýndi þeim nokkur töfrabrögð. Óhætt er að segja að nemendur hafi fylgst áhugasamir með eins og sést á meðfylgjandi myndum.  

S.l fimmtudag hljóp unglingastigið hið árlega Norræna skólahlaup. Þátttaka og áhugi nemenda var til fyrirmyndar og hér fyrir neðan má sjá niðurstöður hlaupsins. 8. bekkur hljóp 8.4 km á hvern nemenda 9. bekkur hljóp 7.8 km á hvern nemenda 10. bekkur hljóp 6.8 km á hvern nemenda Yngri bekkirnir hlupu sitt Norræna skólahlaup í ratleiknum í síðustu viku svo allir nemendur skólans tóku þátt í hlaupinu. Markmið - með norræna skólahlaupinu er leitast við: Að hvetja nemendur til þess að æfa hlaup og auka með því útiveru og hreyfingu Að kynna og skýra nauðsyn þess að hreyfa sig, reyna á líkama sinn og stuðla þannig að betri heilsu og vellíðan  

Í dag var hreystidagur í skólanum. Yngsta stigið sameinaðist á Siglufirði ásamt unglingastiginu og var miðstigið á Ólafsfirði. Í þetta sinn var farið í ratleik um bæina og lék veðrið við okkur, sól og blíða. Nemendur fengu kort af þeim bæ sem þeir voru í og þurftu að finna ákveðna staði sem voru merktir inn á kortið. Á hverri stoppistöð biðu þeirra mismunandi þrautir. Bæði fyrirtæki og einstaklingar tóku vel á móti nemendum og veittu þeim aðstoð við þrautirnar og færum við þeim þakkir fyrir það.  Fleiri myndir má sjá í myndasafni.

Þessa stundina eru samræmdu prófin að hefjast hjá nemendum í 10. bekk en þessa vikuna munu einnig 4. og 7. bekkur taka sín samræmdu próf. Hér má sjá dagsetningar á öllum prófunum. Mánudagur       10. bekkur             íslenska Þriðjudagur      10. bekkur             enska Miðvikudagur    10. bekkur             stærðfræði Fimmtudagur     4. og 7. bekkur       íslenska Föstudagur       4. og 7. bekkur       stærðfræði

Sl. Fimmtudag var farið í safnaferð með 5. og 6. bekk til Skagafjarðar. Nemendur heimsóttu m.a . Hóla í Hjaltadal og fengu fræðlu og skoðunarferð um  Hólakirkju og  Auðunarstofu  ásamt því að fylgjast með tamningu. Þau heimsóttu einni Glaumbæ og skelltu sér svo í sund á Sólgörðum áður en haldið var heim. Hægt er að sjá myndir úr ferðinni hér.

Þessa vikuna eru foreldrafundir hjá yngri deildinni sem hér segir Mánudag fundur hjá 6. bekk þriðjudag fundur hjá 5. bekk miðvikudag fundur hjá 3.-4. bekk fimmtudag fundur hjá 1.-2. bekk Fundirnir hefjast kl 18:00 nema umsjónarkennarar tilkynni annað.

Í dag fóru  nemendur að fylgjast með þegar fjárbændur ráku fé sitt í réttir. Féð var rekið meðfram vatninu austanmegin, í gegnum bæinn og yfir á gamla flugvöllin þar sem búið var að setja upp réttir. Eldri nemendur fylgdu síðan hópnum yfir  í réttirnar og fylgdust með þegar dregið var í dilka og margir fengu að aðstoða.  Hægt er að skoða fleiri myndir hér.  

Síðasta fimmtudag  fór 5. bekkur og gróðursetti  50 birkiplöntur í blíðskapa veðri.  Þau notuðust við gróðurstafi og voru þau fljót að tileinka sér vinnubrögðin.  Bekkurinn gróðursetti  plönturnar niður við Ólafsfjarðarvatn. Þar er markmiðið að koma upp fallegum gróðri meðfram stígnum vonandi öllum sem þar ganga um til ánægju og yndis. Góður dagur hjá 5. Bekk eins og meðfylgjandi myndir sýna.