Fréttir

Í skólanum okkar eru hressir nemendur með sköpunargáfuna í lagi. Hér má sjá afraksturs þæfingar þar sem hver nemandi skapaði sína persónu eftir sínu höfði.

Í dag er uppbyggingardagur í Grunnskóla Fjallabyggðar. Í tilefni dagsins lögðum við áherslu á grunnþarfirnar fimm.   Áhrifsþörf   Frelsisþörf Umhyggjuþörf Gleðiþörf Öryggisþörf   Hver þörf á sér tákn eins og sjá má á meðfylgjandi mynd og unnu nemendur mismunandi verkefni sem snéru flest að táknum þarfanna. Nemendum  var blandað saman í hópa óháð bekkjum og fór hluti af 9. og 10. bekk í skólahúsin við Tjarnarstíg og Norðurgötu og aðstoðuðu yngri nemendur. Samvinna nemenda var til fyrirmyndar og greinilegt að nemendur voru tilbúnir að skilja mismunandi þarfir annarra og taka tillit til hvers annars. Myndir frá Ólafsfirði má sjá  hér og frá Siglufirði hér.

Þann 4. febrúar nk. mun starf 5 ára nemenda leikskólans Leikskála flytja í skólahúsið við Norðurgötu  og munu þau starfa þar fram í júní.  Við bjóðum 5 ára nemendur og kennara þeirra velkomna til samtarfs.

Þann 30. janúar verður Söng- og hæfileikakeppni Grunnskóla Fjallabyggðar haldin í Tjarnarborg. Þar geta nemendur komið og sýnt hvað í þeim býr, hvort sem er að syngja einir eða í hóp eða að sýna hæfileika sína á annan hátt. Þeir sem ætla að taka þátt eru beðnir um að skrá sig hjá umsjónakennara fyrir 16. janúar. Ekki er hægt að skrá sig til þátttöku eftir það. Hver nemandi getur aðeins tekið þátt í einu atriði.

Í dag veitti skólinn verðlaun fyrir bestan árangur í innanskólamóti í Skólahreysti og  Norræna skólahlaupinu (10 km). Þessi verðlaunaafhending átti að fara fram á litlu jólum en sökum slæms veðurs varð að fresta henni. Myndin er af nokkrum verðlaunahöfum. Hreystibekkur skólans er 9. bekkur ( var með bestu þátttökuna í skólahreysti)  og 8. bekkur stóð sig best í Norræna hlaupinu. Þessir bekkir fengu farandbikar til varðveislu í eitt ár.  Eftirtaldir nemendur hlutu einstaklingsverðlaun.     Skólahreysti: Hraðaþraut drengir: 1.      Björgvin Daði    0.58 mín 2.      Jón Áki                 1.05 mín 3.      Sigurbjörn          1.16 mín   Hraðaþraut stúlkur: 1.      Erla Marý            1.04 mín 2.      Marín Líf             1.08 mín 3.      Helga Dís             1.10 mín   Upphífingar og dýfur: 1.      Kristinn Freyr 2.      Jón Áki 3.      Arnór   Armbeygjur og hreystigreip: 1.      Sara María 2.      Erla Marý 3.      Helga Dís     Norræna skólahlaupið 10 km: Drengir: 1.      Óskar Helgi Ingvason                     44.10 mín 2.      Valur Reykjalín Þrastarson          44.11 mín 3.      Kristinn Tómas Eiðsson                44.11 mín (Valur var sjónarmun á undan)   Stúlkur: 1.      Sólrún Anna Ingvarsdóttir           50.17 mín 2.      Þórey Hekla Ægisdóttir                 54.40 mín 3.      Erla Marý Sigurpálsdóttir             64.00 mín

S.l föstudag hófst skólinn aftur að loknu jólafríi. Þegar nemendur mættu við Tjarnarstíg um morguninn voru komnir fjórir sófar á gangana á efri hæðinni. Þeir virðast ætla að nýtast vel og njóta mikilla vinsælda hjá miðstiginu.

Starfsfólk skólans óskar nemendum og fjölskyldum þeirra gleðilegra jóla og farsæls nýárs með þakklæti fyrir gott samstarf á árinu. Við hefjum svo starfið aftur samkvæmt stundartöflu 3. janúar.

   Eins og undanfarin ár var efnt til piparkökuhúsasamkeppni í Grunnskóla Fjallabyggðar. Það voru nemendur í 9. og 10.bekk sem völdu piparkökuhúsagerð í námsvali sínu sem tóku þátt. Skemmst er frá því að segja að húsin eru hvert öðru glæsilegri og starfsmenn skólans áttu í miklum erfiðleikum með  að velja eitt hús fallegst. Niðurstaðan var þó að hús nr 2 hlaut flest atkvæði og voru verðlaun veitt á litlu jólunum. Það voru þær Elísabet Sif Ingimarsdóttir, Marín Líf Gautadóttir og Ólína ýr Jóakimsdóttir sem áttu fallegasta húsið. Hægt er að sjá myndir af húsunum hér.  

  Þann 18. desember eru 100 ár síðan skólahúsið við Norðurgötu var tekið í notkun. Af því tilefni ætlum við að gera okkur glaðan dag og hafa opið hús frá kl. 11-13.  Nemendur í  1. – 4. bekk á Siglufirði hafa verið að læra um gamla tímann og unnið verkefni sem verða til sýnis. Börnin munu syngja fyrir gesti kl. 11:15 og kl.12:30. Allir velunnarar skólans á öllum aldri velkomnir.    

Þetta skemmtilega jólþorp var sett upp í vikunni og má finna það á neðri hæðinni við Tjarnastíg.