Fréttir

Skólaakstur fellur niður í dag föstudaginn 21. mars

Miðvikudaginn 19. mars fór Stóra upplestrarkeppnin fram í Bergi á Dalvík. Fjórir keppendur úr 7. bekk Grunnskóla Fjallabyggðar tóku þátt og stóðu sig með miklum sóma. Rut Jónsdóttir lenti í 2. sæti og Anna Día Baldvinsdóttir lenti í 3. sæti. Guðmundur Ingi Jónatansson kennari sá um að undirbúa keppendur fyrir keppnina. Nemendur 7. bekkjar fóru með á Dalvík til að fylgjast með og styðja bekkjarfélaga sína. Frábær árangur hjá okkar nemendum. Fleiri myndir frá Bergi má sjá hér.

Skólaakstur fellur niður í Fjallabyggð í dag fimmtudaginn 20. mars vegna óveðurs og ófærðar. 

Þessar glæsilegu konur mættu prúðbúnar til vinnu til þess að sýna samstöðu með baráttunni gegn krabbameini. Bara flottastar.

Undirbúningur Stóru upplestrarkeppninnar hófst á degi íslenskrar tungu 16. nóvember s.l. og er tilgangur keppninnar að vekja athygli og áhuga á upplestri og vandaðri framsögn. Keppnin er ætluð nemendum 7. bekkjar um land allt og hafa nemendur okkar verið duglegir að æfa sig í vetur. Í gær fór fram undankeppni fyrir Stóru upplestrarkeppnina þar sem valið var 4 fulltrúa fyrir hönd skólans til að taka þátt í lokakeppninni  sem fram fer í Bergi á Dalvík þann 19. Mars n.k.  Dómnefndina skipuðu þau Jóna Vilhelmína Héðinsdóttir aðstoðarskólameistari Menntaskólans á Tröllaskaga, Kristinn Reimarsson, markaðs- og menningarfulltrúi Fjallabyggðar og Guðný Pálsdóttir fyrrverandi kennari við Grunnskóla Siglufjarðar. Nemendur sem munu keppa fyrir hönd GF í Stóru upplestrarkeppninni eru: Anna Día Baldvinsdóttir Álfheiður Birta Þorsteinsdóttir  Hólmfríður Sturludóttir Rut Jónsdóttir  varamaður Árni Haukur Þorgeirsson. Hægt er að sjá fleiri myndir af undankeppninni hér.

Síðustu viku eyddi 7. Bekkur í skólabúðunum Reykjaskóla og láta þau vel af dvöl sinni þar. Á heimasíðu skólabúðanna má sjá myndir af nemendum og greinilegt að líf og fjör hefur einkennt vist þeirra þar. Myndir úr skólabúðunum má sjá hér.

Þá er 2. önn að ljúka með foreldraviðtölum á öllum starfsstöðvum í dag, á morgun er  starfsdagur og því frí hjá nemendum. N.k mánudag og þriðjudag verður vetrafrí. Miðvikudaginn 5. mars hefst ný önn og mæta nemendur aftur í skólann eftir vetrarfrí. Þann dag er öskudagur og því verður skóladagurinn styttri en venjulega. Kennslu á miðstigi lýkur kl 12:00 - rúta frá Tjarnarstíg Kennslu á unglingastigi lýkur kl 12:30 - rúta frá Torginu Ath breyttar rútuferðir fram á miðvikudag.   Kl.  Siglufjörður   Kl. Ólafsfjörður   Fimmtudagur 27. febrúar 08:00 Neðra skólahús 08:40  MTR   12:30 Torg 13:00 MTR   15:00  Torg  15:45   MTR Föstudagur 28. febrúar   08:00 Neðra skólahús   08:40 MTR   12:30 Torg  13:00   MTR    15:00 Torg   15:45  MTR  Mánudagur 3. mars  08:00 Neðra skólahús  08:40   MTR    12:30 Torg  13:00   MTR    15:00  Torg  15:45 MTR   Þriðjudagur 4. mars  08:00  Neðra skólahús  08:40  MTR    12:30  Torg  13:00  MTR    15:00  Torg  15:45  MTR

Eins og fram hefur komið hér á síðunni var 1. bekkur við Tjarnarstíg dregin út í Lífshlaupi ÍSÍ og vann ávaxtasendingu frá ávaxtasérfræðingunum hjá Ávaxtabílnum.  Í gær fengu nemendur svo ávextina og deildu þeim með bekkjarfélögum sínum í 2.-4. bekk. Lífshaupið er enn í gangi og eru bæði nemendur og starfsmenn extra duglegir að hreyfa sig þessa dagana. Sjá fleiri myndir frá 1. -4. bekk hér.

        S.l föstudag var haldið þorrablót við Tjarnarstíg þar sem nemendur fengu að smakka hefðbundinn þorramat og voru einstaka nemendur sem létu sig hafa það að smakka hákarl og fleira í fyrsta sinn. Misjafnt var  hversu vel þorramaturinn rann niður en þó voru nokkrir sem borðuðu hann með bestu lyst. Tónmenntakennarar stýrðu síðan fjöldasöng þar sem sungin voru nokkur vel valin þorralög. Hæg er að sjá myndir af þorrablótinu hér.