Fréttir

Minnum á aðalfund foreldrafélagsins í skólahúsnæðinu við Norðurgötu í kvöld kl 20:00

Bestu þakkir til allra þeirra sem tóku á móti nemendum 10.bekkjar í starfskynningu. Án velvilja og hjálpsemi samfélagsins væri þetta ekki hægt. Takk fyrir okkur Grunnskóli Fjallabyggðar. Sjá fleiri myndir í lesa meira

Foreldrafélag Grunnskóla Fjallabyggðar boðar til aðalfundar ÞRIÐJUDAGINN 20. maí KL 20:00 Fundurinn verður haldinn í skólahúsinu Norðurgötu á Siglufirði.  Fundarefni: 1. Kosning fundarstjóra og fundarritara 2. Skýrsla stjórnar 3. Reikningar lagðir fram til samþykktar 4. Kosning stjórnarmanna 5. Kosning tveggja skoðunarmanna reikninga 6. Kosning fulltrúa í skólaráð, skv. starfsreglum félagsins 7. Önnur mál  Fyrir hönd stjórnar Foreldrafélags Grunnskóla Fjallabyggðar, Gunnar Smári Helgason formaður

Í þessari viku er hin áralega starfskynning 10. Bekkinga. Nemendur fara í ýmis fyrirtæki í Fjallabyggð og vinna í fjóra daga á tveimur starfsstöðvum.  Úrval starfsstöðva er fjölbreytt og spennandi og þykir m.a. grunn- og leikskólinn spennandi staður fyrir starfskynningu. Í morgun mættu fjórir 10. bekkingar við Tjarnarstíginn og  munu þeir aðstoða við kennslu yngri nemenda.

Úrslit stærðfræðikeppni Fjölbrautarskóla Norðurlands vestra og MTR í samstarfi fyrir 9.bekkinga á svæðinu fór fram í bóknámshúsi fjölbrautarskólans s.l. föstudag 2.maí. Björn Vilhelm Ólafsson, Sara María Gunnarsdóttir og Þorgeir Örn Sigurbjörnsson úr Grunnskóla Fjallabyggðar komust öll í úrslit og stóðu sig vel. Björn Vilhelm lenti í 1.sæti og hneppti þar með sigurinn af 170 nemendum sem upphaflega tóku þátt. Við óskum krökkunum öllum til hamingju með frábæran árangur og Birni Vilhelm til hamingju með sigurinn.  

Dagana 25 mars -10 apríl tók 5. bekkur í Grunnskóla Fjallabyggðar þátt í söfnuninni,“Börn hjálpa börnum“en það er söfnun sem 5. bekkur tekur þátt í ár hvert  og er á vegum ABC barnahjálp. Krakkarnir voru einstaklega dugleg og söfnuðu þau hvorki meira né minna en 195.805 krónum. Enn ánægjulegra er að þetta er hugsanlega met frá upphafi söfnunar hjá ABC þ.e. að hvert barn í 5.bekk safnaði 12.230 kr!! Það var mikið á sig lagt og baukarnir fylltir af mikilli elju.   5.bekkur þakkar öllum þeim sem tóku vel á móti þeim þegar bankað var á hurð þeirra og beðið var um aðstoð til hjálpar bágstöddum börnum  úti í heimi. Bestu þakkir    

Í dag er umhverfisdagur og af því tilefni fóru nemendur við Tjarnarstíg út um miðjan morgun og gerðu fínt í næsta nágrenni við skólann. Það var þó heldur fámennur hópur þar sem meirihluti nemenda við Tjarnarstíg er á Andrésar Andarleikunum. Afraksturinn lét þó ekki á sér standa og að launum var svo boðið upp á ýmsa skemmtilega afþreyingu það sem eftir var skóladags. Fleiri myndir af deginum er hægt að sjá hér.

Forkeppni Stærðfræðikeppni 9. bekkinga 2014 var haldin í mars. Keppnin er samstarfsverkefni FNV og MT við grunnskóla á Norðurlandi vestra, Fjallabyggð og Dalvík. Að þessu sinni tóku um 170 nemendur þátt. Þrír nemendur við skólann voru í 15 efstu sætunum en það eru þau: Björn Vilhelm Ólafsson, Sara María Gunnarsdóttir og Þorgeir Örn Sigurbjörnsson Við óskum þessum keppendum innilega til hamingju með árangurinn. Úrslitakeppnin fer síðan fram í maí.

Í gær var haldin vorhátíð nemenda í 1. - 7. bekk fyrir fullum sal í Menningarhúsinu Tjarnarborg. Nemendur stóðu sig með stakri prýði og gerðu kvöldið einstaklega skemmtilegt. Kærar þakkir til allra þeirra sem komu og áttu með okkur góða stund. Hægt er að sjá myndir frá nemendasýningunni um morguninn hér. Framundan er páskafrí og hefst skóli aftur þriðjudaginn 22. apríl. Gleðilega páska

VORHÁTÍÐ Grunnskóla Fjallabyggðar   Fimmtudaginn 10. apríl kl. 18 verður vorhátíð 1.-7. bekkjar haldin í Tjarnarborg í Ólafsfirði   Aðgangseyrir: Nemendur 8.-10. bekkjar 500 krónur 16 ára og eldri 1500 krónur   Rúta fer frá Torginu kl. 17:30 og til baka að sýningu lokinni.   Allir velkomnir!