Fréttir

Þessar glæsilegu konur mættu prúðbúnar til vinnu til þess að sýna samstöðu með baráttunni gegn krabbameini. Bara flottastar.

Undirbúningur Stóru upplestrarkeppninnar hófst á degi íslenskrar tungu 16. nóvember s.l. og er tilgangur keppninnar að vekja athygli og áhuga á upplestri og vandaðri framsögn. Keppnin er ætluð nemendum 7. bekkjar um land allt og hafa nemendur okkar verið duglegir að æfa sig í vetur. Í gær fór fram undankeppni fyrir Stóru upplestrarkeppnina þar sem valið var 4 fulltrúa fyrir hönd skólans til að taka þátt í lokakeppninni  sem fram fer í Bergi á Dalvík þann 19. Mars n.k.  Dómnefndina skipuðu þau Jóna Vilhelmína Héðinsdóttir aðstoðarskólameistari Menntaskólans á Tröllaskaga, Kristinn Reimarsson, markaðs- og menningarfulltrúi Fjallabyggðar og Guðný Pálsdóttir fyrrverandi kennari við Grunnskóla Siglufjarðar. Nemendur sem munu keppa fyrir hönd GF í Stóru upplestrarkeppninni eru: Anna Día Baldvinsdóttir Álfheiður Birta Þorsteinsdóttir  Hólmfríður Sturludóttir Rut Jónsdóttir  varamaður Árni Haukur Þorgeirsson. Hægt er að sjá fleiri myndir af undankeppninni hér.

Síðustu viku eyddi 7. Bekkur í skólabúðunum Reykjaskóla og láta þau vel af dvöl sinni þar. Á heimasíðu skólabúðanna má sjá myndir af nemendum og greinilegt að líf og fjör hefur einkennt vist þeirra þar. Myndir úr skólabúðunum má sjá hér.

Þá er 2. önn að ljúka með foreldraviðtölum á öllum starfsstöðvum í dag, á morgun er  starfsdagur og því frí hjá nemendum. N.k mánudag og þriðjudag verður vetrafrí. Miðvikudaginn 5. mars hefst ný önn og mæta nemendur aftur í skólann eftir vetrarfrí. Þann dag er öskudagur og því verður skóladagurinn styttri en venjulega. Kennslu á miðstigi lýkur kl 12:00 - rúta frá Tjarnarstíg Kennslu á unglingastigi lýkur kl 12:30 - rúta frá Torginu Ath breyttar rútuferðir fram á miðvikudag.   Kl.  Siglufjörður   Kl. Ólafsfjörður   Fimmtudagur 27. febrúar 08:00 Neðra skólahús 08:40  MTR   12:30 Torg 13:00 MTR   15:00  Torg  15:45   MTR Föstudagur 28. febrúar   08:00 Neðra skólahús   08:40 MTR   12:30 Torg  13:00   MTR    15:00 Torg   15:45  MTR  Mánudagur 3. mars  08:00 Neðra skólahús  08:40   MTR    12:30 Torg  13:00   MTR    15:00  Torg  15:45 MTR   Þriðjudagur 4. mars  08:00  Neðra skólahús  08:40  MTR    12:30  Torg  13:00  MTR    15:00  Torg  15:45  MTR

Eins og fram hefur komið hér á síðunni var 1. bekkur við Tjarnarstíg dregin út í Lífshlaupi ÍSÍ og vann ávaxtasendingu frá ávaxtasérfræðingunum hjá Ávaxtabílnum.  Í gær fengu nemendur svo ávextina og deildu þeim með bekkjarfélögum sínum í 2.-4. bekk. Lífshaupið er enn í gangi og eru bæði nemendur og starfsmenn extra duglegir að hreyfa sig þessa dagana. Sjá fleiri myndir frá 1. -4. bekk hér.

        S.l föstudag var haldið þorrablót við Tjarnarstíg þar sem nemendur fengu að smakka hefðbundinn þorramat og voru einstaka nemendur sem létu sig hafa það að smakka hákarl og fleira í fyrsta sinn. Misjafnt var  hversu vel þorramaturinn rann niður en þó voru nokkrir sem borðuðu hann með bestu lyst. Tónmenntakennarar stýrðu síðan fjöldasöng þar sem sungin voru nokkur vel valin þorralög. Hæg er að sjá myndir af þorrablótinu hér.

Lífshlaup ÍSÍ er í fullum gangi.  Nemendur í Grunnskóla Fjallabyggðar taka þátt í Lífshlaupinu og eru að standa sig vel. Sem stendur eru þeir í fjórða sæti yfir skóla með 150 - 399 nemendur Á hverjum degi eru dregnir út vinningshafar á meðal þátttakenda og í gær var það 1. bekkur við Tjarnarstíg hjá Grunnskóla Fjallabyggðar sem vann sér inn ferska og glæsilega ávaxtasendingu frá ávaxtasérfræðingunum hjá Ávaxtabílnum í skráningarleik Rásar2 og ÍSÍ. Dregið var út hjá Virkir morgnar á RÁS 2 nú í morgun. Til hamingju 1. bekkur við Tjarnarstíg.

Í morgun kom björgunarsveitin, slökkviliðið, sjúkrabíllinn og lögregla í heimsókn með fræðslu og sýndu nemendum helstu tæki sín og tól. Nemendur sýndu þeim mikinn áhuga og skemmtu sér við að prufa ýmislegt merkilegt sem í boði var. Kærar þakkir fyrir heimsóknina. Myndir frá deginum má sjá hér.

  Dagana 4. og  5. febrúar var boðið upp á sjálfstyrkingarnámskeið fyrir stúlkur í 5.-10. bekk hér í skólanum. Kristín Tómasdóttir rithöfundur  hélt námskeiðið en Kristín er með BA-próf í kynjafræði og sálfræði og hefur unnið mikið með unglingsstúlkur og sjálfsmynd. Kristín byggði námskeið sitt  mikið út frá fræðslubókunum sem hún hefur gefið út fyrir stelpur. Námskeiðið tókst mjög vel og höfðu stúlkurnar mikla ánægju af heimsókn Kristínar sem náði vel til þeirra í  spjalli um sjálfsmyndina og hvernig mætti hafa jákvæð áhrif á hana.Mæting á námskeiðið var mjög góð. Námskeiðið var stúlkunum að kostnaðarlausu en það voru fyrirtæki og félagasamtök í Fjallabyggð sem styrktu verkefnið og kunnum við þeim bestu þakkir fyrir. Hægt er að sjá myndir frá námskeiðinu hér.

Vinaliðaverkefni skólans hófst s.l. þriðjudag við skólahúsnæðið í Tjarnarstíg og er það María B. Leifsdóttir sem heldur utanum verkefnið. Henni til aðstoðar var kosið 16 nemendur úr 5. -7. bekk sem sjá um ýmsa leiki úti í löngu frímínútum þrisvar sinnum í viku. 23. janúar s.l var farið með vinaliða á leikjanámskeið á Þelamörk þar sem þeir voru undirbúnir fyrir verkefnið.  Hér vinstra megin á síðunni  má sjá