Fréttir

Miðvikudaginn 10. sept fór 5. bekkur í safnaferð í Skagafjörðinn. Byrjað var á að fara í Glaumbæ þar sem við skoðuðum gamla bæinn og alla gömlu munina. Svo var ferðinni heitið á Hóla í Hjaltadal þar sem tekið var mjög vel á móti okkur, við skoðuðum kirkjuna og kirkjuturninn og svo fengum við líka að skoða hesthúsin. Þetta var frábær og fræðandi ferð. Hægt er að sjá myndir úr ferðinni hér.

Hér erum við með fínu nefin sem við föndruðum. Við fengum líka fræðslu um hvað við getum gert til að hjálpa börnum úti í heimi.

Heimsókn 1. og 2. bekkjar á bókasafnið.

Mánudaginn 8. september fór 5. bekkur og gróðursetti 60 birkiplöntur niður við Ólafsfjarðarvatn. Veðrið lék við krakkana sem notuðu sérstaka gróðurstafi til að gróðursetja. Þetta gekk ljómandi vel og voru nemendur ángæðir með daginn. Hægt er að sjá fleiri myndir hér.  

Allir með í fjallgöngu! Þriðjudaginn 9. september er fyrirhugað (ef veður verður skaplegt) að fara ásamt grunnskólanemendum í fjallgöngu í Fjallabyggð. Ákveðið hefur verið að bjóða bæjarbúum með í gönguferðirnar. Þær eru miserfiðar og þyngjast eftir aldri nemenda. Gönguferðirnar Siglufjarðarmegin hefjast kl. 9:30 og Ólafsfjarðarmegin kl. 8:30. Þeir sem hyggjast slást í för þurfa sjálfir að koma sér á upphafsstað göngu.   Gönguleiðir                                                                         1.-4.bekkur Siglufirði: Ríplar – frá skólahúsi Siglufirði  1.-4.bekkur Ólafsfirði: Kvíabekkjardalur – frá skólahúsi Ólafsfirði  (sameinast í bíla)                                          5.bekkur: Brimnesdalur –frá skólahúsi Ólafsfirði     6.bekkur: Burstabrekkudalur – frá skólahúsi Ólafsfirði                                                                              8. 9. og 10.bekkur: Siglufjarðarskarð – frá afleggjara að Hraunum í Fljótum og endað á Siglufirði  Með fyrirvara um breytingar. Upplýsingar á www.grunnskoli.fjallabyggd.is

Vakin er athygli á því að bætt hefur verið við ferð skólarútunnar frá Ólafsfirði á mánudögum og þriðjudögum. Síðasta ferð er nú kl. 16:45 frá Grunnskólanum við Tjarnarstíg.   Sjá nánar uppfærða aksturstöflu hér.

Grunnskóli Fjallabyggðar var settur s.l. mánudag og var um leið tekin í notkun glæsileg nýbygging við skólahúsið í Norðurgötu. Unglingastigið mun því verða við Norðurgötuna í vetur ásamt yngstu nemendunum frá Siglufirði. Í nýbyggingunni er  mötuneyti og verkgreinastofur og munu nemendur því ekki þurfa að fara úr skólanum í verkgreinar né mat. Skólastarfið er nú komið vel af stað á báðum stöðum og eru spennandi vetur framundan hjá okkur hér í skólanum.  Sjá fleiri myndir úr Norðurgötunni hér.

Grunnskóli Fjallabyggðar auglýsir skólaliðastarf   Laust er til umsóknar 50% staða skólaliða. Skólaliðastarfið er blandað starf sem felur í sér ræstingu og gæslu í skólahúsinu í Ólafsfirði. Vinnutími er kl. 11.00 – 15.00.  Laun eru greidd samkvæmt kjarasamningum. Viðkomandi þarf að geta hafið störf sem fyrst.   Umsóknarfrestur er til 29.ágúst nk.     Upplýsingar veitir Ríkey Sigurbjörnsdóttir skólastjóri í síma  844-5819844-5819  eða í gegnum netfangið rikey@fjallaskolar.is. Umsóknir skulu sendar á netfangið rikey@fjallaskolar.is       Call Send SMS Add to Skype You'll need Skype CreditFree via Skype

Skólasetning Grunnskóla Fjallabyggðar skólaárið 2014-2015 verður mánudaginn 25. ágúst nk. sem hér segir. Kl. 11:00              1.-4.bekkur og 8.-10.bekkur við Norðurgötu Siglufirði Skólarúta fer frá skólahúsinu við Tjarnarstíg Ólafsfirði kl. 10:40 og til baka frá Norðurgötu kl. 11:45 Kl: 13:00              1.-4.bekkur og 5.-7.bekkur við Tjarnarstíg Ólafsfirði. Skólarúta fer frá skólahúsinu við Norðurgötu Siglufirði kl. 12:40 og til baka frá Tjarnarstíg kl. 13:30 Nemendur í 1.bekk koma í boðuð viðtöl til umsjónarkennara þennan dag. Kennsla hefst þriðjudaginn 26.ágúst samkvæmt stundatöflu. Skólastjóri.

Nú fer senn að líða að nýju skólaári og undirbúningur fyrir komu nemenda hafinn. Innkaupalista fyrir næsta skólaár er hægt er að finna hér. Skóladagatal næsta skólaárs er hægt að finna hér. Skólaakstur er hægt að finna hér.