Fréttir

Á morgun, föstudag, ætlum við að gera aðra tilraun með að hafa útivistardag hér í skólanum. Hefðbundin kennsla verður fyrstu tvo tímana en eftir það munum við fara með nemendur ýmist á Gullatún að renna sér eða í fjallið á skíði. Þar munum við verða fram að hádegismat. Eftir mat fara 5.-7. bekkur heim en 1.-4. bekkur verður í skólanum til kl. 13. Í fjallinu verður lyftan opin og einnig troðin göngubraut. Björn Þór ætlar að vera okkur innan handar og leyfa þeim nemendum sem vilja að prófa gönguskíði. Við viljum þó benda foreldrum á að fylgjast með heimasíðu skólans því ef veðurspá breytist þá munum við meta stöðuna og setja upplýsingar þar inn ef eitthvað breytist Þetta þarf því að hafa í huga: •    Foreldrar koma skíðabúnaði barna sinna upp í skíðaskála en þangað förum við kl. 9:40 •    Nemendur geta komið með þotur/sleða með sér í skólann til að fara með á Gullatúnið en þangað förum við kl. 9:40 •    Þeir nemendur sem ætla að fara í lyftuna þurfa að vera með hjálm •    Foreldrar þurfa síðan að ná í skíðabúnað barna sinna í skíðaskálann upp úr kl. 12

Tilkynningin um skólahald 26. janúar  2012   Vegna versnandi veðurútlits fellur skólaakstur niður í dag í Fjallabyggð. Skólastarf í unglingadeild verður fyrir þá sem komast.  Foreldrar barna í yngri deildum meta aðstæður en skólastarf verður fyrir þá sem koma í skólann.   Af öryggisástæðum er mikilvægt að foreldrar tilkynni forföll símleiðis s:464-9150 eða með tölvupósti á netfangið helga@fjallaskolar.is

Að fengnum ráðleggingum frá umsjónarmanni skíðasvæðisins í Tindaöxl höfum við tekið þá ákvörðun að fresta skíðadeginum á Ólafsfirði. Við munum grípa tækifærið um leið og veður og færi gefst til að skella okkur á skíði.

Í ljósi breytts veðurútlits frestum við skíðadegi hjá unglingadeild skólans sem vera átti á morgun miðvikudaginn 25. janúar. Kennsla skv. stundaskrá hefst kl. 9 og mæta nemendur því með skólatösku. Skólabíllinn fer frá Ólafsfirði kl. 8.40 Tekin verður ákvörðun um hvort það sama eigi við í yngri deildinni við Tjarnarstíg í fyrramálið.  skólastjóri

Á morgun miðvikudag er stefnt á skíðadag hjá unglingastiginu og yngri deildinni Ólafsfjarðarmegin. Nánari upplýsingar um hvernig deginum verður háttað hafa nemendur fengið í bréfi með sér heim eða í tölvupósti. Skíðadagur hjá yngri deildinni Siglufjarðarmegin verður auglýstur síðar.

Nú má sjá fyrstu ummerki um að framkvæmdir séu að hefjast við Tjarnarstíg. Byrjað er að girða fyrir byggingarframkvæmdirnar og stórar vinnuvélar skreyta nú skólalóðina.  Nemendur fylgjast vel með öllu saman en láta þetta þó ekki trufla sig við sínar eigin framkvæmdir. Nú þegar við höfum svona fínan snjó bygga þau virki í kringum skólalóðina og njóta þess að leika sér í snjónum. Hér fyrir neðan má sjá myndir sem teknar voru í frímínútunum í morgun. Sjá fleiri myndir í lesa meira.

Vegna veðurs og versnandi veðurútlits fellur skólaakstur niður í dag í Fjallabyggð. Skólastarf í unglingadeild verður fyrir þá sem komast.  Foreldrar barna í yngri deildum meta aðstæður en skólastarf verður fyrir þá sem koma í skólann.   Af öryggisástæðum er mikilvægt að foreldrar tilkynni forföll símleiðis s:464-9150 eða með tölvupósti á netfangið helga@fjallaskolar.is

Á næstu vikum verða foreldrafundir í ölllum bekkjum samkvæmt skóladagatali. Hægt er að sjá áætlaðar dagsetningarnar hér til hliðar á dagatalinu eða á skóladagatalinu sem er undir ýmis skjöl. Umsjónarkennarar munu setja niður tímasetningar og senda nánari upplýsingar um það heim þegar að því kemur.