Fréttir

Á vef tónskólans má sjá eftirfarandi frétt: Sigríður Alma Axelsdóttir fékk viðurkenningu fyrir besta frumsamda efnið á grunnstigi á lokaathöfn Nótunnar í Hörpunni í gær (sunnudaginn 19. mars). Á lokaathöfn Nótunnar fengu níu framúrskarandi tónlistaratriði Nótuna 2012 verðlaun, en þar að auki var eitt atriði strengjasveit frá Tónlistarskólanum í Reykjavík verðlaunað sérstaklega með farandgrip sem skólinn varðveitir fram að næstu keppni. Við Óskum Sigriði Ölmu til hamingju með glæsilegan árangur.

Við skólann  starfa ýmis fagteymi sem vinna að því að bæta skólastarfið. Dæmi um slíkt   teymi er  samstarf  leik- og grunnskólakennarar. Því er ætlað að auka og viðhalda samvinnu leik- og grunnskóla Fjallabyggðar svo samfella verði í starfi nemenda sem fara á milli skólastiga. Í teyminu eiga sæti fyrir hönd grunnskólans: Ólöf Kristín Ásgeirsdóttir og Mundína Valdís Bjarnadóttir. Hluti af störfum teymisins er að skipuleggja reglulegar heimsóknir leikskólabarna í skólann. Í gær komu elstu börn leikskólans á Ólafsfirði ásamt Þuríði Guðbjörnsdóttur í heimsók í smíða og textíltíma hjá 1. bekk. Þar fengu þau að  taka þátt í vinnunni sem fór fram og fengu sérstaka aðstoð frá 1.og 2. bekk.  Embla Þóra og Amalía Björk Jason Karl og Amanda Ósk

Mynd tekin af vef Dalvíkurskóla Í gær fór fram lokakeppni stóru upplestrarkeppninnar í Bergi á Dalvík. Það var Eggert Geir Axelsson nemandi við Grunnskóla Fjallabyggðar sem sigraði eftir jafna og skemmtilega keppni. Einnig kepptu þau  Eduard Constantin Bors,  Sandra Líf Ásmundsdóttir og Þorgeir Örn Sigurbjörnsson fyrir hönd skólans, varamaður þeirra var Sólrún Anna Ingvarsdóttir. Það voru síðan Patrekur Óli Gústafsson og Eiður Máni Júlíusson  nemendur úr Dalvíkurskóla sem lentu í 2. og 3. sæti.

Á foreldradaginn 16. febrúar s.l. var lögð viðhorfakönnun fyrir foreldra í 4., 7. og 10. bekk. Þátttakan var 73% eða 67/92. Þökkum þátttökuna og hvetjum ykkur til að skoða niðurstöður hennar hér.

Þessa dagana eru nemendur í 7. bekk  að undirbúa sig af kappi fyrir stóru upplestrarkeppnina. Á morgun miðvikudag kl 10 fer fram innanskólakeppni á bæjarbókasafninu á Siglufirði. Sigurvegarar morgundagsins Keppa síðan á lokahátíð Stóru upplestrarkeppninnar  sem fer fram í Bergi á Dalvík miðvikudaginn 14. mars kl 14:00. Stóra upplestrarkeppnin hefur verið haldin í fjöldamörg ár en verkefnið hófst á degi íslenskrar tungu, 16. nóvember.  Yfirlýst markmið verkefnisins er að vekja athygli og áhuga í skólum á vönduðum upplestri og framburði. Það bætir almennan lesskilning barna og unglinga og eflir sjálfsvirðingu og virðingu fyrir öðrum. Einnig er verkefnið hvetjandi fyrir nemendur með lestrarerfiðleika.

Mánudaginn 20. febrúar hefst þriggja daga vetrarfrí, kennsla hefst aftur samkvæmt stundatöflu fimmtudaginn 23. febrúar.

112 dagurinn var haldin i morgun á Ólafsfirði. Í tilefni hans var gerð brunaæfing og að henni lokinni fengu nemendur að fara upp í körfubíl hjá slökkviliðinu og skoða bíl og sleða frá björgunarsveitinni. Fleiri myndir er hægt að sjá hér.