Fréttir

Það var aldeilis líf og fjör á skíðasvæðinu á Siglufirði í dag þegar nemendur eldri deildar fjölmenntu þangað á skíðadegi. Veðrið lék við okkur, logn og blíða, og sólskin í Bungunni.

Eineltiskönnun er fastur liður í Olweusaráætluninni gegn einelti og andfélagslegu atferli. Niðurstöður könnunarinnar eru afar mikilvægar því að þær segja til um hvernig nemendur meta aðstöðuna og andrúmsloft skólans. Hvað telja þau að hinir fullorðnu í skólanum geri til að koma í veg fyrir einelti. Hvað munu þau gera ef ég lendi í einelti o.s.frv.

Þann 11.2. var 112 dagurinn þar sem fólk er minnt á mikilvægi þess að huga að slysavörnum, að læra skyndihjálp og ýmislegt fleira sem tengist málaflokknum.

Magnús Sveinsson tók upp skemmtilegt myndband af hæfileikakeppninni. Hægt er að sjá það á slóðinni hér fyrir neðan og hvetjum við alla til að skoða myndbandið og sjá þessu flottu frammistöðu hjá krökkunum. http://www.vimeo.com/19889840  

Söng- og hæfileikakeppni Grunnskóla Fjallabyggðar var haldin í Tjarnarborg í gær að viðstöddu fjölmenni þar sem rúmlega 50 þátttakendur kepptu í 28 atriðum. Flestir keppendur sungu en einnig voru sýnd dansatriði og spilað á hljóðfæri. Allir keppendur fengu viðurkenningu fyrir þátttökuna auk þess sem veitt voru verðlaun, bæði fyrir hópatriði og einstaklingsatriði.

Fimmtudaginn 10. febrúar kl. 17.30 verður söng- og hæfileikakeppni grunnskólans haldin í Tjarnarborg. Keppendur koma úr 1.-10. bekk og taka þátt ýmist einir eða í hóp. Rúta fer frá Torginu kl. 17.00 og heim aftur að keppni lokinni.   Enginn aðgangseyrir - allir velkomnir.

Í morgun var haldið glæsilegt þorrablót hjá yngri deildinni á Siglufirði.  Nemendur komu með þjóðlegt og kjarngott nesti með sér í tilefni dagsins s.s. harðfisk, hákarl, súra punga, hangikjöt, flatbrauð, rúgbrauð, slátur o.fl.

Samkvæmt venju fjölmenntu nemendur yngri deildarinnar á Siglufirði á kirkjutröppurnar og sungu til sólarinnar á sólardegi Siglfirðinga, þann 28. janúar.

Föstudaginn 28. janúar býður Rarik nemendum í 4. og 5. bekk að sjá sýninguna Bláa gullið á Akureyri.  Út frá sjónarhorni trúðsins er vatn skoðað á einlægan en trúðslegan hátt. Hvert ætli sé eðli vatns? Hvað er svona merkilegt við það? Hvað er úthaf og hvað er tár, hvað er foss og regn? Hvaðan kemur vatn og hvert fer það? Trúðnum er ekkert óviðkomandi og hann hikar ekki að leggja fram spurningar og vangaveltur um allt milli himins og jarðar.