Fréttir

Það var mikið fjör eins og sjá má á myndinni

Glæsilegt þorrablót hjá yngri deild á Siglufirði

Líkt og síðustu ár komu nemendur yngri deildarinnar saman í íþróttasalnum og blótuðu Þorrann. Komu nemendur með þorranesti að heiman og mátti þar m.a. sjá sviðasultu, slátur, harðfisk, flatbrauð, sviðakjamma og að sjálfsögðu hákarl.

Opinn foreldrafundur 14. febrúar 2012

Opinn foreldrafundur 14. febrúar 2012 Tjarnarborg Kl. 18.00 -19.30 Dagskrá: 1.    Samgöngur á milli byggðarkjarna. Nýtt fyrirkomulag?  Bæjarstjóri ásamt íþrótta- og tómstundafulltrúa,  fara yfir stöðuna.   2.    Breytingar á skipulagi skólastarfs næsta haust. Skólastjóri kynnir áformum um sameiningu miðstigs á næsta skólaári.   3.    Kynning á byggingaáformum við skólahús GF í Ólafsfirði og Siglufirði. Bæjarstjóri kynnir teikningar og áætlanir um byggingaáform.    4.    Forvarnir í Fjallabyggð. Íþrótta- og tómstundafulltrúi kynnir áform um forvarnastarf.   5.    Aðalnámskrá grunnskóla. Fræðslu- og menningarfulltrúi kynnir nýja aðalnámskrá.   6.    Kynning á Uppeldi til ábyrgðar –uppbygging sjálfsaga. Kennarar kynna vinnu sem fram hefur farið s.l. ár með starfsfólki og nemendum skólans.     Allir velkomnir  

Það var kalsalegt eins og sjá má

Finn skíðadagur hjá eldri deildinni

Í gær var skíðadagur hjá eldri deildinni og var mikið fjör í Skarðinu á Siglufirði þar voru tvær neðstu lyfturnar opnar. Veðrið var ekki alveg upp á það besta, rigning og nokkur vindur en þeir sem klæddu sig eftir veðri skemmtu sér mjög vel og voru að alveg frá kl. 9.00 til 12.30.

Söng- og hæfileikakeppni Grunnskóla Fjallabyggðar

Fimmtudaginn 2. febrúar kl. 17:30 verður söng- og hæfileikakeppni grunnskólans haldin í Tjarnarborg. Keppendur koma úr 1.-10. bekk og taka þátt ýmist einir eða í hóp. Rúta fer frá Torginu kl. 17:05 og heim aftur að keppni lokinni Enginn aðgangseyrir Allir velkomnir!

Spenntir nemendur yfir framkvæmdum við Tjarnarstíg

Þessa dagana eru framkvæmdir í fullum gangi á skólalóðinni við Tjarnarstíg. Nemendur  fylgjast spenntir með og í  frímínútum í dag var mest spennandi að fylgjast með gröfunni moka skólalóðina í sundur.  Þar sem fleiri en nemendur og starfsfólk skólans eru spenntir yfir  gangi mála munum við setja reglulega inn myndir á myndasíðuna.

Skíðadagur á Sigló

  Það var skemmtilegt í Skarðinu í morgun þegar krakkarnir á yngra stiginu á Siglufirði renndu sér þar á sleðum og skíðum. Hér sjáum við tvær saman, skíðakennarann og duglegan nemanda.

Breyting á frístundaakstri

Nú hefur verið gefin út ný aksturstafla. Hún tekur gildi mánudaginn 30. janúar 2012. Ekki er um miklar breytingar að ræða frá fyrri töflu og gildir hún þar til annað verður tekið fram. Tímaáætlun skólabíls

Sungið til sólarinnar á Siglufirði

  Krakkarnir við Norðurgötu sungu til sólarinnar

Flottur föstudagur

Flottur föstudagur

Krakkarnir á Ólafsfirði skelltu sér á Gullatúnið og á skíði í dag. Veðrið var æðislegt, færið frábært og allir skemmtu sér með bros á vör eins og meðfylgjandi myndir sanna. Björn Þór  bauð upp á gönguskíðakennslu og Ingimar sá um lyftuna. Allir fengu kakó í boði Skíðafélags Ólafsfjarðar. Við erum mjög þakklát öllum þeim sem hjálpuðu okkur að gera góðan dag betri.

Stefnum á skíðadag hjá yngri deildinni Ólafsfjarðarmegin á morgun

Á morgun, föstudag, ætlum við að gera aðra tilraun með að hafa útivistardag hér í skólanum. Hefðbundin kennsla verður fyrstu tvo tímana en eftir það munum við fara með nemendur ýmist á Gullatún að renna sér eða í fjallið á skíði. Þar munum við verða fram að hádegismat. Eftir mat fara 5.-7. bekkur heim en 1.-4. bekkur verður í skólanum til kl. 13. Í fjallinu verður lyftan opin og einnig troðin göngubraut. Björn Þór ætlar að vera okkur innan handar og leyfa þeim nemendum sem vilja að prófa gönguskíði. Við viljum þó benda foreldrum á að fylgjast með heimasíðu skólans því ef veðurspá breytist þá munum við meta stöðuna og setja upplýsingar þar inn ef eitthvað breytist Þetta þarf því að hafa í huga: •    Foreldrar koma skíðabúnaði barna sinna upp í skíðaskála en þangað förum við kl. 9:40 •    Nemendur geta komið með þotur/sleða með sér í skólann til að fara með á Gullatúnið en þangað förum við kl. 9:40 •    Þeir nemendur sem ætla að fara í lyftuna þurfa að vera með hjálm •    Foreldrar þurfa síðan að ná í skíðabúnað barna sinna í skíðaskálann upp úr kl. 12

SÍMANÚMER
464 9150