Fréttir

Minnum á að skilafrestur á leiðsagnarmati rennur út í kvöld.

 

Skólaakstur fellur niður í dag

Skólaakstur fellur niður í Fjallabyggð í dag föstudaginn 9. nóvember skólastjóri

Dagur gegn einelti

Verkefnastjórn um aðgerðir gegn einelti hefur ákveðið að helga  8. nóvember ár hvert baráttunni gegn einelti.  Slíkur baráttudagur var fyrst haldinn árið 2011 og  markmiðið með deginum er og var  að vekja sérstaka athygli  á málefninu. Undirritun fulltrúa félaga, samtaka og opinberra stofnana á þjóðarsáttmála gegn einelti var þar einn liður. Sáttmálinn er einnig grunnur að frekari vinnu, Á vefsíðunni Í þínum sporum er hægt að skrifa undir þjóðarsáttmála gegn einelti. Með því að undirrita skuldbindum við okkur til að vinna af alefli og einurð gegn einelti í samfélagi okkar.  

Vinna hafin við skólablaðið Snarl

Samkvæmt venju verður skólablaðið Snarl gefið út fyrir jólin. Það eru nemendur 10. bekkjar sem sjá um vinnslu blaðsins og í dag hófst formlega vinna við það. Í blaðinu verður forvitnilegt efni af ýmsu tagi sem nemendur skrifa að mestu. 

Skólaakstur fellur niður í dag

Skólaakstur fellur niður í dag föstudaginn 2.nóvember. skólastjóri

þemadagur í dag hjá yngri deildinni tileinkaður uppbyggingarstefnunni

Í dag var þemadagur hjá yngri deildinni og var hann tileinkaður uppbyggingarstefnunni. Nemendur fengu fræðslu um þarfirnar, en samkvæmt uppbyggingarstefnunni erum við öll með fimm grunnþarfir sem eru þó misríkar hjá hverju og einu okkar og hafa mismikil áhrif á líf okkar. Þessar þarfir eru: Öryggi, tilheyra, frelsi, áhrif og gleði. Nemendur unnu svo ýmis verkefni í tengslum við sínar þarfir og hér er hægt að sjá vinnu 6. og 7. bekkjar. Greining þessara þarfa hjálpar okkur m.a. að skilja af hverju við bregðumst misjafnlega við þeim verkefnum sem við mætum. Gleði – ánægja - Skemmtun - Fagna - Hlátur - Brandarar - Kjánalæti - Spil og leikir Frelsi - sjálfstæði - Velja sjálf(ur) - Ákveða sjálf(ur) - Eiga möguleika - Nýta tækifæri - Athafnasemi - Eirðarleysi Ást - umhyggjaAð tilheyra - Vinátta - Væntumþykja - Vinna í hópi - Kynnast mörgum - Skoðanir annarra skipta miklu máli Áhrifavald - árangur - Standa sig vel - Vera mikilvægur - Viðurkenning - Ráða við - Forðast mistök - Gott skipulag

Grunnþarfirnar fimm

Í gær var unnin skemmtileg þemavinna í eldri deildinni í tengslum við uppbyggingarstefnuna. Nemendur fengu fræðslu um þarfirnar, en samkvæmt uppbyggingarstefnunni erum við öll með fimm grunnþarfir sem eru þó misríkar hjá hverju og einu okkar og hafa mismikil áhrif á líf okkar. Þessar þarfir eru: Öryggi, tilheyra, frelsi, áhrif og gleði.

Viðbrögð við jarðskjálfta

Þar sem almannavarnir hafa lýst yfir óvissustigi  vegna jarðskjálftahrinu úti fyrir Norðurlandi var farið yfir fyrstu viðbrögð við jarðskjálfta með nemendum í morgun. Þar var helst lagt áherslu á eftirfarandi :

Fyrirlestur frá HIV samtökunum

Fulltrúi HIV samtakanna heimsótti nemendur 9. og 10. bekkjar í morgun og ræddi við þau um HIV-smit, alnæmi og ýmislegt sem tengist því. Nemendur hlustu af athygli og spurðu síðan ýmissa spurninga sem tengjast þessum sjúkdómi.

Bleikur dagur

       Í dag er Bleikur dagur í skólanum en Bleiki dagurinn er hluti af Bleiku slaufu árveknis- og fjáröflunarátaki krabbameinsfélags Íslands gegn krabbameini hjá konum. Með því að klæðast einhverju bleiku í dag eða hafa bleikan lit í fyrirrúmi sýnum við samstöðu í baráttunni. Hér má sjá nokkrar myndir af deginum.  

SÍMANÚMER
464 9150