Fréttir

Aðalfundur Foreldrafélags Grunnskóla Fjallabyggðar verður haldinn   fimmtudaginn  31. maí  í skólahúsinu Ólafsfirði og hefst kl. 18. Eftirtaldir foreldrar gefa áfram kost á sér í stjórn:  Auður Eggertsdóttir, Berglind Birkisdóttir,  Hrönn Gylfadóttir, Kristján Hauksson  og Rut Viðarsdóttir. Einn vantar  í stjórn og gefur Sigurður Ægisson gefur kost á sér í hana. Dagskrá fundarins eru  skv. 6. grein laga foreldrafélagsins. 1.    Kosning fundarstjóra og fundarritara 2.    Skýrsla stjórnar 3.    Reikningar lagðir fram til samþykktar 4.    Kosning formanns foreldrafélags og annarra stjórnarmanna 5.    Kosning tveggja skoðunarmanna reikninga 6.    Kosning fulltrúa í skólaráð samkvæmt starfsreglum félagsins 7.    Önnur mál

 Kl. 11.00         Skólaslit fyrir 1.-7. bekk við Tjarnarstíg fara fram í íþróttahúsinu Ólafsfirði Kl. 13.00        Skólaslit fyrir 1.-7. bekk við Norðurgötu fara fram í íþróttasalnum Norðurgötu Kl. 17.00        Skólaslit unglingadeildar fara fram í Siglufjarðarkirkju. Þar fer fram útskrift nemenda og afhending einkunna  8. og 9. bekkinga. Skólarútan fer frá íþróttahúsinu Ólafsfirði kl. 16.40 og til baka að athöfn lokinni eða um klukkan 18.

Nú á síðustu dögum skólaársins er ýmislegt skemmtilegt gert til að stokka upp kennsluna og höfum við gjarnan nýtt okkur góða veðrið til útikennslu. Nemendur eru margir hverjir að fara í lengri og skemmri ferðir með foreldrahópunum eða kennurum og njóta þess sem nágrennið okkar hefur upp á að bjóða. Einnig var hjóladagur haldin á yngra stiginu á Siglufirði þar sem nemendur þreyttu ýmsar þrautir á hjólum sínum. kennarar og starfsfólk á yngra stiginu á Ólafsfirði átti hörku fótboltaleik við 7. bekk undir glymjandi hvatningarorðum frá yngri bekkjunum. Við kennarar viljum taka fram að það eru ekki úrslitin sem skipta máli heldur leikgleðin. Úrslit verða því ekki gefin upp :) 10. bekkur hefur lokið starfkynningu sinni og skemmtir sér um þessar mundir  í útskriftarferð sinni. 8. og 9. bekkur gistu báðir í bústöðunum á Hótel Brimnesi og áttu þar góðar stundir saman. Ýmislegt fleira hefur verið gert undanfarna daga og framundan er þriggja daga helgi og á þriðjudaginn verðum við svo með hamagang á Hóli.  Myndir af starfinu undanfarið má sjá  hér.  

Nú styttist óðfluga í að nemendur 10. bekkjar ljúki grunnskólagöngu sinni. Þeir hafa nú þegar lokið hefðbundnu námi og síðustu tvær vikur hafa þeir verið við annarskonar nám. Allir nemendur bekkjarins sátu þriggja daga skyndihjálparnámskeið og að því loknu var komið að starfskynningum. Nemendur kynntu sér hinu ýmsu störf í sveitarfélaginu, hver nemandi heimsótti tvö fyrirtæki eða stofnanir og dvaldi í tvo daga á hvorum stað. Þakkar skólinn sérlega góð viðbrögð vinnuveitenda við óskum um nemendaheimsóknir.

Aðalfundur foreldrafélagsins verður haldin fimmtudaginn 31. maí kl. 18 við Tjarnarstíg. Hvetjum alla til að mæta.

Næstkomandi laugardag verður sýning á verkum nemenda í skólahúsinu við Tjarnarstíg Ólafsfirði og við Norðurgötu Siglufirði, frá  klukkan  11.00 til 14.00. Verk nemenda í unglingadeild verða til sýnis í íþróttasalnum við Norðurgötu. Um er að ræða skóladag hjá öllum nemendum þ.a. þeir mæta í skólann nema um annað hafi verið samið. Akstur skólabíls verður þennan dag sem hér segir: kl. 10.45  frá íþróttahúsinu  Ólafsfirði til Siglufjarðar kl. 12.00 frá torginu Siglufirði til Ólafsfjarðar kl. 12.45 frá íþróttahúsinu  Ólafsfirði til Siglufjarðar kl. 14.15 frá torginu Siglufirði til Ólafsfjarðar

Núna þegar líður að skólalokum hafa fjölmargir bekkir verið með bekkjarkvöld. Nemendur yngri bekkjanna hafa boðið fjölskyldum sínum í skólann og verið með fjölbreytt skemmtiatriði fyrir gestina; söng, dans, leikþætti og ýmislegt fleira sem nemendur hafa æft undanfarnar vikur. Að lokinni skemmtidagskránni hefur verið farið í leiki og síðan boðið upp á veitingar.

Vísindaveisla í félagsheimilinu Tjarnarborg, Ólafsfirði • Vísindaveisla í félagsheimilinu Tjarnarborg • Sprengjugengið landsfræga sýnir kl. 12.30 og 14.30 • Eldorgel og sýnitilraunir • Japönsk menning • Tæki og tól • Furðuspeglar og snúningshjól • Undur jarðar • Leikir, þrautir og uppákomur Stjörnutjald í Íþróttahúsinu kl 13 til 16, sýningar á hálftíma fresti Dagskrá Háskólalestar er öllum opin, aðgangur ókeypis og allir hjartanlega velkomnir. www.haskolalestin.hi.is Háskóli unga fólksins 11. maí Föstudaginn 11. maí sækja nemendur eldri deildar Grunnskólans í Fjallabyggð námskeið í Háskóla unga fólksins í efnafræði, jarðfræði, næringarfræði, tómstundafræði, japönsku og frumkvöðlafræði.