Fréttir

Þemavinna um sr. Bjarna Þorsteinsson

Í tilefni af 150 ára árstíð sr. Bjarna Þorsteinssonar þann 14. október nk. voru unnin ýmis verkefni í eldri deildinni í gær. Bjarni hefur oft verið nefndur faðir Siglufjarðar en þekktastur er hann fyrir söfnun sína og útgáfu á íslensku þjóðlögunum auk þess að vera afbragðs lagahöfundur.
Lesa meira

Hreystidagur

Í gær var haldin hreystidagur og var líf og fjör í allri yngri deildinni á Ólafsfirði. Nemendur nutu sín í snjónum og sköpuðu ýmsar kynjaverur á skólalóðinni, yljuðu sér í sundlauginni, hlupu um í Tarzanleik og hlupu Norræna skólahlaupið. Á unglingastiginu var Norræna skólahlaupið haldið á Siglufirði þriðjudaginn 11. okt. 2011. Alls tóku 84 nemendur af 101 í eldri deild þátt í hlaupinu.  Nemendur hlupu 2,5 km hring um norðurbæinn og máttu þau hlaupa einn-tvo-þrjá eða fjóra hringi. Nemendurnir 84 hlupu samtals yfir 500 km eða rétt tæplega 6 km að meðaltali. Bekkir skólans kepptu innbyrðis og það var 10.bekkur BRV sem sigraði með 7,2 km að meðaltali á nemanda. Grétar Áki og Jakob Snær komu fyrstir í mark hjá strákum eftir 10 km og Rebekka Rut var fyrst í mark hjá stúlkunum eftir 10 km. Nemendur í Grunnskóla Fjallabyggðar eiga mikið hrós skilið fyrir þátttöku sína í hlaupinu.
Lesa meira

Hreystidagur

Á morgun þriðjudag er hreystidagur í skólanum. Á yngra stiginu verður kennt samkvæmt stundatöflu fyrstu tvo tímana. Nemendur í yngri deildinni á Siglufirði koma til Ólafsfjarðar um tíu og taka þátt í ýmsum uppákomum eins og Norræna skólahlaupinu, Tarzanleik í íþróttahúsinu og sundi. Unglingadeildin tekur þátt í Norræna skólahlaupinu og hefst hlaupið hjá þeim klukkan 13:00. Mikilvægt er að nemendur mæti vel skóaðir og með húfu og vettlinga ef veður er ekki gott.
Lesa meira

Guðrún iðjuþjálfi og Bjarkey náms- og starfsráðgjafi í heimsókn í alla bekki eldri deildar.

Í morgun, þriðjudaginn 4. okt., fóru Guðrún iðjuþjálfi og Bjarkey náms- og starfsráðgjafi í heimsókn í alla bekki eldri deildar. Iðjuþjálfi upplýsti nemendur um ýmislegt tengt skólatöskunni og áhrif þess ef að hún væri einungis höfð á annarri öxlinni eða sæti rangt á bakinu. Einnig ráðlagði iðjuþjálfi nemendum um æskilega setstöðu og áhrif þess að sitja lengi í sömu stöðu við vinnu. Þá ræddi hún um hvað sé gott að hafa í huga við val á skólatösku, að taskan sé ekki alla daga með öllum námsbókunum í heldur hvernig sé æskilegast bera töskuna og raða í hana. Nemendur voru hvattir til að prófa að hafa tölvumúsina í vinstri hönd, (þeir sem eru rétthentir) og öfugt fyrir hina, til að jafna álag á handleggi og herðar.  Sjá meira neðar.  
Lesa meira

Breyting á frístundaakstri

Nú þegar vetraræfingar eru hafnar hjá íþróttafélögunum hefur verið gerð breyting á aksturstöflu. Athugið að þetta hefur ekki áhrif á skólaakstur að morgni. Aksturstafla Einnig má sjá hér sömu töflu, en í henni eru merktar með gulum lit þær ferðir sem breytast frá síðustu töflu.  Íþrótta- og tómstundafulltrúi svarar spurningum varðandi frístundaakstur.
Lesa meira

Viðbragðsáætlun við einelti

Viðbragðsáætlun skólans við einelti er nú komin inn á heimasíðuna. Hún tekur á þeirri vinnu sem fer af stað ef upp kemur grunur um einelti. Eineltisteymi skólans stýrir þessari vinnu. Áætlunin er geymd undir Olweuslinknum  
Lesa meira

Haustþing kennara og frí hjá nemendum

Föstudaginn 30. september er haustþing kennara og því frí  hjá nemendum. Haustþingið fer fram í Fjallabyggð og munu kennarar af Norðurlandi vestra sækja þingið. Boðið er uppá ýmsa fyrirlestra og málstofur auk námsefniskynninga og fer þingið fram í Ólafsfirði fram að hádegi en eftir hádegi á Siglufirði.  
Lesa meira

Foreldrar barna með ADHD!

             Fræðslunámskeið fyrir foreldra barna með ADHD verður haldið laugardagana 15. og  29.október 2011 á vegum ADHD samtakanna. Námskeiðið verður í fjarfundi og stendur yfir frá  kl. 10:00 til 14:45 báða dagana.  Lögð verður áhersla á að foreldrar öðlist góðan skilning á ADHD og fái einföld og hagnýt ráð við uppeldi barna sinna.   Áhugasamir hafi samband á bæjarskrifstofuna í síma 4649100 eða sendi póst á: hrefna@fjallabyggd.iseða helgah@fjallabyggd.is fyrir 30.september nk.   Félagsþjónusta Fjallabyggðar
Lesa meira

Nemendur sýndu dans í miðbæ Siglufjarðar

Nokkrir nemendur 10.bekkjar hafa verið í dansvali nú í byrjun skólaársins. Þeir luku því námi á föstudaginn og enduðu á að dansa með nemendum 6.bekkjar á torginu. Báðir þessir bekkir hafa upp á síðkastið æft dans sem saminn var vegna "Alþjóðlega dans dagsins", sem haldinn er árlega um heim allann. Þó nokkrir áhorfendur voru að þessum viðburði og var dönsurunum vel fagnað.
Lesa meira

Frá iðjuþjálfa

Mikilvægt er að nemendur tileinki sér rétt grip um skriffæri. Rétt grip stuðlar að réttum vinnustellingum og þar af leiðandi réttrar beitingar líkamans við vinnu. Rangt grip getur leitt til þreytu og sársauka í fingrum, hendi, handlegg, öxlum og hálsi. Einnig er höfuðverkur og vöðvabólga afleyðing af röngu gripi. Margir nemendur halda einnig of fast um skriffæri en það getur einnig leitt til álags á hendi og axlir. Iðjuþjálfi Grunnskólans í Fjallabyggð hvetur foreldra til að leiðrétta rangt grip hjá börnum sínum og stuðla þannig að bættri heilsu þeirra og líðan.   Leiðbeiningar um rétt grip Guðrún Þorvaldsdóttir Iðjuþjálfi Grunnskóla Fjallabyggðar gudrun@fjallaskolar.is
Lesa meira