Yndislestur í október í 8.-10. bekk

Allir nemendur í unglingadeild grunnskólans tóku þátt í lestrarátaki nú í október og lásu í 15 mínútur í upphafi hvers dags. Lesnar voru margs konar bækur, skáldsögur, spennusögur, ástarsögur o.s.frv.  Átakið sem stóð í mánuð hefur nú þegar skilað árangri. Hraðapróf voru tekin fyrir og eftir og bættu langflestir við sig atkvæðum.  Annar árangur, sem reyndar verður ekki mældur er sá að krakkarnir kunnu vel að meta þessa góðu stund og hefur verið ákveðið að láta ekki staðar numið hér, heldur lesið áfram á hverjum morgni til jóla.