Vinaliðaverkefni

Vinaliðaverkefni skólans hófst s.l. þriðjudag við skólahúsnæðið í Tjarnarstíg og er það María B. Leifsdóttir sem heldur utanum verkefnið. Henni til aðstoðar var kosið 16 nemendur úr 5. -7. bekk sem sjá um ýmsa leiki úti í löngu frímínútum þrisvar sinnum í viku. 23. janúar s.l var farið með vinaliða á leikjanámskeið á Þelamörk þar sem þeir voru undirbúnir fyrir verkefnið.  Hér vinstra megin á síðunni  má sjá tákn verkefnisins og þar á bakvið má sjá leikjaskipulag tveggja vikna í senn.

Vinaliðaverkefnið er upprunnið í Noregi og heitir þar Trivselsleder en tæplega 800 skólar í Noregi hafa tekið verkefnið upp með góðum árangri.  Árskóli á Sauðárkrók er móðurskóli fyrir verkefnið og fengum við aðstoð frá Ingu Láru Sigurðardóttir úr Árskóla til að aðstoða okkur við að fara af stað með verkefnið.

Aðal markmið verkefnisins er að bæta samskipti og líðan nemenda í frímínútum.

Boðið verður upp á fjölbreytt viðfangsefni og unnið að þvi að virkja alla nemendur til

þátttöku. Vinaliðar fá sérstaka þjálfun til að stýra og stjórna leikjum og stöðvavinnu í frímínútum.

 

Vinaliðaverkefnið  kemur ekki í veg fyrir einelti og er ekki eineltisáætlun en samhliða góðum eineltisáætlunum er markmiðið með Vinaliðaverkefninu einnig að draga úr einelti og auka vellíðan nemenda í skólanum.

Myndir af frímínútum sl. þriðjudag má sjá hér.