Útivistardagur hjá 1. - 5. bekk

Útivistardagur hjá 1. - 5. bekk var haldinn í góðu veðri í gær, þó dálítil þoka hafi lætt sér inn fjörðinn þá sakaði það ekki. Allir bekkir lögðu af stað í sínar ferðir um kl. 10 og voru komnir til baka í hádegismat um kl. 12.

5. bekkur fór í Skútudal og gekk upp úr þokunni að fossinum.

3. og 4. bekkur fóru í skógræktina, löbbuðu um skógræktina og fengu smá fræðslu um Skarðdalskot og skoðuðu rústirnar þar.

2. bekkur fór á útivistarsvæðið á Tangann.

1. bekkur gekk að Bakkatjörn.

Allir bekkir tóku með sér nesti í bakpoka og borðuðu það á sínum áfangastað, einnig  voru unnin mismunandi stærðfræðiverkefni sem tengdust margföldun, talningu, formum og fleiru.

Dagurinn gekk mjög vel hjá öllum bekkjum og voru nemendur sem kennarar ánægðir og þreyttir eftir góða útiveru.

Fleiri myndir frá deginum má sjá hér