Þorgrímur Þráinsson heimsækir 10. bekk

Í morgun heimsótti Þorgrímur Þráinsson nemendur í 10. bekk með fyrirlesturinn Verum ástfangin af lífinu. Í fyrirlestrinum fjallar Þorgrímur um mikilvægi þessi að vera í góðu jafnvægi í lífinu, í öllu sem við tökum okkur fyrir hendur og mikilvægi þess að setja sér markmið en engu að síður kunna þá kúnst að lifa í núinu. Við eigum öll drauma um „betra líf“ og frábæran árangur en fæstir átta sig á því að litlu hlutirnir, dags daglega, eru lykillinn að því að markmið okkar verði að veruleika. Allir eru beint eða óbeint að leita að innri friði eða sannleika lífsins og svörin eru miklu nær en okkur grunar.