Sungið til sólarinnar 28. janúar

1. - 4. bekkur fór í gönguferð um bæinn á sólardaginn og sungu börnin á kirkjutröppunum að vanda. Ljóðið "Til sólarinnar" eftir Hannes Jónasson er það lag sem sungið hefur verið lengst á Siglufirði af þessu tilefni, en fyrir nokkrum árum bættist við "Sól er yfir Siglufirði", ljóð eftir Ingólf Jónsson frá Prestbakka við lag Þórarins Hannessonar. Og svo auðvitað "Blessuð sólin elskar allt" eftir Hannes Hafstein. Margir komu til að hlusta og auðvitað skein sólin í tilefni dagsins. Á myndinni er Margrét Hlín í 1. bekk með sólina sína.