Lok skólaárs

Að vanda var nóg um að vera á lokadögum skólaársins okkar hér í Grunnskóla Fjallabyggðar. Eitt af því sem hefur fest sig í sessi á vordögum er fótboltaleikur 7. bekkjar við starfsfólk skólans sem fór fram þann 31. maí. Mikil barátta var í leiknum sem lauk með því að starfsfólkið sigraði 3-0.

Hér má sjá fleiri myndir frá fótboltaleiknum: Fótbolti 7.b./kennarar

Þann 1. júní var síðan leikja-  og útivistardagur hér hjá okkur þar sem nemendur og starfsfólk nutu útiveru á þessum síðasta skóladegi ársins.

Hér má sjá fleiri myndir frá leikja- og útivistardeginum: Útivistardagur að vori

Skóla var síðan slitið þann 3. júní og voru 18 nemendur útskrifaðir frá okkur við það tilefni. Við óskum útskriftarnemendum velfarnaðar í þeim verkefnum sem þeir taka sér fyrir hendur í framtíðinni. 

Við stjórnendur skólans óskum nemendum, foreldrum og starfsfólki gleðilegs sumars með von um að það verði ykkur öllum gott og endurnærandi.