Leiksýningin Halla frá Kómedíuleikhúsinu

 Leiksýningin Halla frá Kómedíuleikhúsinu

Leiksýningin Halla frá Kómedíuleikhúsinu

Leikgerð/leikur og dans: Elfar Logi Hannesson, Henna-Riikka Nurmi

Umf Glói varð 20 ára fyrr á þessu ári og í tilefni afmælisins býður félagið 4-9 ára börnum í sveitarfélaginu þessa leiksýningu í samstarfi við Grunnskóla og Leikskóla Fjallabyggðar.

Leiksýningin Halla er fyrsti viðburður ljóðahátíðarinnar Haustglæður, sem áður hét Glóð, en að hátíðinni standa Umf Glói og Ljóðasetur Íslands.

Halla fjallar um samnefnda stúlku sem býr hjá afa sínum í dálitlu þorpi við dálítinn sjó. Það er margt sem þarf að gera í þorpi út við sjó og hve mikið sem fiskast það fiskast aldrei nóg. Afinn sækir sjóinn enda er hann mikil aflakló og það er Halla afastelpan hans einnig. Svo gerist það dag einn að afi segir við Höllu: Þú ert ekki nógu feit það er mér nokkuð kappsmál að koma þér í sveit. Þá tekur sagan á sig ævintýralega mynd en allt fer þó vel að lokum.

Leikritið Halla er byggt á samnefndri ljóðabók eftir vestfirska skáldið Stein Steinarr. 

Sjá nánar á www.komedia.is

Hægt er að sjá myndir frá sýningunni hér.