Jákvæð samskipti

Nemendur í 6. - 10. bekk fengu góða heimsókn í dag þegar Pálmar Ragnarsson körfuboltaþjálfari hélt fyrirlestur um jákvæð samskipti. Í fyrirlestrinum fjallaði hann á skemmtilegan hátt um það hvernig nemendur geta æft sig í samskiptum og því að hafa góð áhrif á samnemendur sína. Nemendur tóku vel á móti Pálmari og voru ánægðir með fyrirlesturinn og hér má sjá fleiri myndir frá heimsókninni. 

Fyrirlesturinn var í boði foreldrafélagsins og viljum við í lokin minna á að Pálmar heldur fyrirlestur fyrir foreldra í kvöld klukkan 20:00 í sal MTR.  Við hvetjum alla til að mæta.