Hvað er hinsegin?

Íris Tanja og nemendur í 6. bekk

Fyrir páskafrí fengum við góða heimsókn til okkar hingað í skólann. Það var hún Íris Tanja Flygenring sem kom á vegum Samtakanna 78 og heimsótti nemendur í 4. -10.  bekk auk þess sem hún hélt fræðsluerindi fyrir starfsfólk skólans. Um kvöldið var svo fræðsla fyrir foreldra. Í heimsókninni fjallaði Íris um hinseginleika, hvað það þýðir að vera hinsegin og hvert sé hægt að leita fyrir stuðning og aðstoð. Í lok hverrar fræðslu var opnað fyrir nafnlausar spurningar og þeim svarað eftir bestu getu. Heimsóknin tókst mjög vel og voru nemendur opnir og jákvæðir og sköpuðust oft góðar umræður í bekkjunum. Við þökkum Írisi og samtökunum kærlega fyrir komuna.