Fiðringshópur Grunnskóla Fjallabyggðar bar sigur úr býtum

Grunnskóli Fjallabyggðar sigraði Fiðring 2023

Fiðringshópurinn okkar bar sigur úr býtum í lokakeppni Fiðrings í gærkvöldi. Atriðið þeirra Seinna er of seint fjallar um hlýnun jarðar og mikilvægi þess að allir þurfa að bregðast sem fyrst við til að bjarga jörðinni. Þær Halldóra Elíasdóttir og Sigríður Salmannsdóttir hafa haft umsjón með hópnum í vetur. Mikið var um dýrðir í Hofi og nemendur okkar stóðu sig frábærlega. Nemendum unglingadeildar var boðið upp á rútuferð til Akureyrar til að styðja sitt fólk. Eins og fyrr segir stóð Grunnskóli Fjallabyggðar uppi sem sigurvegari, Oddeyrarskóli hlaut önnur verðlaun og þriðja sætið fór til Þelamerkurskóla. Við óskum keppendum innilega til hamingju með þennan frábæran árangur.

Hér má sjá keppnina inn á UngRúv 

Hér má sjá myndir frá kvöldinu

Hér má sjá siguratriðið í heild sinni