Grunnskóli Fjallabyggðar auglýsir stöðu umsjónarkennara á yngsta stigi og stöðu þroskaþjálfa

Grunnskóli Fjallabyggðar auglýsir stöðu

umsjónarkennara á yngsta stigi og stöðu þroskaþjálfa

Umsjónarkennara vantar til starfa við Grunnskóla Fjallabyggðar. Um er að ræða 100% stöðu. Kennslugreinar eru almenn kennsla og umsjón á yngsta stigi. Þarf að geta hafið störf sem fyrst.

Menntunar- og hæfniskröfur: 

•  Kennaramenntun og réttindi til kennslu í grunnskóla skilyrði.
•  Frumkvæði í starfi og faglegur metnaður.
•  Jákvæðni og sveigjanleiki í samskiptum.
•  Góðir skipulagshæfileikar.
•  Ábyrgð og stundvísi.

Laun greidd samkvæmt kjarasamningi Samninganefndar sveitarfélaga (SNS) og Kennarasambands Íslands (KÍ).

Þroskaþjálfa vantar til starfa við Grunnskóla Fjallabyggðar. Um er að ræða 75% stöðu með möguleika á stækkun í 100%. Þarf að geta hafið störf sem fyrst.

Helstu verkefni og ábyrgð:

• Kemur að þjálfun einstaklinga
• Veitir ráðgjöf og leiðsögn til samstarfsaðila
• Kemur að gerð einstaklingsnámskráa
• Stjórnar og skipuleggur teymisfundi
• Kemur að daglegri umsjón og skipulagi í sérhæfðri þjónustu

Menntunar- og hæfnikröfur:

• Starfsréttindi þroskaþjálfa
• Leiðtogahæfni, metnaður og áhugi
• Reynsla af skipulagi og teymisstjórnun
• Áhersla er lögð á lipurð í samstarfi og mannlegum samskiptum

Laun eru greidd samkvæmt kjarasamningi Þroskaþjálfafélags Íslands og launanefndar sveitarfélaga.

Grunnskóli Fjallabyggðar er heildstæður grunnskóli með rúmlega 200 nemendur. Starfstöðvar eru tvær, í Ólafsfirði og á Siglufirði. Skólinn starfar samkvæmt Uppeldi til ábyrgðar og Olweusarstefnu gegn einelti. Nánari upplýsingar um skólann má finna á http://grunnskoli.fjallabyggd.is/ 

Gildi skólasamfélagsins eru:  Kraftur - Sköpun – Lífsgleði

Í Fjallabyggð búa ríflega 2000 íbúar. Nánari upplýsingar um Fjallabyggð  má finna á www.fjallabyggd.is

 Upplýsingar veitir Erla Gunnlaugsdóttir skólastjóri í síma  464-9150 og  865-2030 eða í gegnum netfangið erlag@fjallaskolar.is

Umsókn ásamt ferilskrá sendist á netfangið erlag@fjallaskolar.is

Umsóknarfrestur er til 15. nóvember 2018