Glæsileg Vorhátíð

Á dögunum fór Vorhátíð 1.-7. bekkjar fram í Tjarnarborg. Þar var boðið upp á viðamikla og glæsilega dagskrá sem gestir höfðu gaman af. Hátíðin byrjaði með samsöng allra nemenda í 1.-7. bekk. Var gaman að sjá þennan föngulega hóp saman kominn á sviði Tjarnarborgar og hljómaði söngurinn hátt og snjallt.  Síðan rakti hvert atriðið annað og voru söngur, leikur og dans uppistaðan í dagskránni. Var greinilegt að mikil vinna lá að baki margra þessarra atriða og ljóst að í hópnum leynast margir framtíðar listamenn. Það var þétt setinn bekkurinn í menningarhúsinu okkar og gestir fóru sáttir heim að lokinni sýningu.