Ertu á aldrinum 10-15 ára? Elskarðu að teikna?

Emma Sanderson - Grafískur hönnuður á Siglufirði hefur farið af stað Teiknisamkeppni með barnasmiðju og innanhúss veggmyndaverkefni (Mural Workshop) í Fjallabyggð.

Samkeppnin snýr að því að fá börn í Fjallabyggð á aldrinum 10-15 ára til að senda inn mynd í samkeppnina og verða sex teikningar valdar úr hópi þeirra sem berast. Þau börn sem verða valin fá að að mála vinningsteikningarnar sínar á veggmynd í NEON undir handleiðslu Emmu Sanderson dagana 1.-2. ágúst nk.  Á vinnustofunni fá börnin m.a. fræðslu um veggmálverk, leiðsögn og búa til gagnvirka veggmynd með sýndarveruleika (SV).  Emma mun að auki vinna stóra veggmynd í Sundhöll Siglufjarðar.

 

Verkefnið hlaut stryk frá Fjallabyggð og Barnamenningarsjóði Íslands.

 

Emma Sanderson er grafískur hönnuður frá Brisbane í Ástralíu sem býr nú á Siglufirði. Helstu viðskiptavinir hennar eru ástralskar frumbyggjaheilbrigðisstofnanir, sveitarfélög, mennta- og samfélagsstofnanir. Árið 2011 útskrifaðist hún með Bachelor of Visual Arts frá University of Sydney (Sydney College of the Arts) og þar áður lauk hún diplómanámi í grafískri hönnun.
Emmu finnst gaman að teikna, mála og er nú sjálfstætt starfandi grafískur hönnuður, myndskreytari og býr til sérsniðnar handmálaðar veggmyndir.

 

Allar frekari upplýsingar er að fá hjá Emmu á netfanginu hello@emma-sanderson.com

 

-----------------------------------------------------------------------------------------------------------------------------

Veggmyndasmiðja krakka

Ertu á aldrinum 10-15 ára? Elskarðu að teikna? Hér er tækifærið þitt til að sýna hæfileika þína og mála þitt eigið listaverk á veggmynd!

 

Við höldum teiknisamkeppni og verða 6 efstu teikningarnar valdar. Vinningshafarnir fá að mála vinningsteikningarnar sínar á veggmyndasmiðju barna dagana 1. – 2. ágúst.

Frestur til að skila inn teikningu hefur verið framlengdur til 8. júlí.

 

 Ekki missa af þessu frábæra tækifæri til að sjá listaverkin þín lifna við á veggmynd í Neon!