Baráttudagur gegn einelti

Baráttudagur gegn einelti var hjá okkur í skólanum í dag. Markmiðið með deginum er að vekja sérstaka athygli á málefninu og hversu alvarlegt einelti er.  Við unnum ýmis verkefni sem verða sýnileg í skólanum og ræddum við nemendur um hvernig við getum stuðlað að jákvæðara skólaumhverfi og samfélagi.

Einnig skrifuðum við undir eineltissáttmála Grunnskóla Fjallabyggðar sem hljóðar svona:
Við, nemendur og starfsfólk Grunnskóla Fjallabyggðar heitum því að gera allt sem í okkar valdi stendur til að koma í veg fyrir einelti. Við leggjum ekki í einelti og við aðstoðum þá sem verða fyrir einelti. Ef við vitum að einhver er lagður í einelti látum við vita. Það á enginn skilið að vera lagður í einelti. Það á enginn skilið að líða illa.
Verum vinir, vinnum saman, eyðum einelti!