3. sæti í Skólahreysti

Grunnskóli Fjallabyggðar lenti í 3. sæti í Skólahreysti eftir að hafa haft leiðandi forustu fram á síðustu mínútur. Okkar krakkar stóðu sig frábærlega og veittu svo sannarlega harða keppni. Aldrei hefur  verið jafn naumt á stigum í Norðurlandsriðlinum fyrr. Fyrir hönd skólans kepptu þau Arndís Lilja Jónsdóttir, Brynjar Már Örnólfsson, Magnús Andrésson og Kara Gautadóttir. Myndir og frekari upplýsingar um keppnina má sjá á skolahreysti.is og síðu skólahreystis á facebook.com

Skólahreysti er liðakeppni milli grunnskóla landsins.  Hvert lið samanstendur af tveimur strákum og tveimur stelpum sem öll þurfa að vera nemendur í 9. og/eða 10. bekk síns skóla. Keppt er í eftirfarandi keppnisgreinum:

 

• Upphífingum (Magnús) 
• Armbeygjum (Kara)
• Dýfum (Magnús)
• Hreystigreip (Kara)
• Hraðaþraut  (Arndís og Brynjar)