Fréttir

Framkvæmdir við Tjarnarstíg eru nú komnar á fullt skrið og ætti umsvif þeirra ekki að fara fram hjá neinum. Gott væri ef foreldrar brýndu það fyrir börnum sínum að fara varlega í kringum öll þau tæki og tól sem eru á vinnusvæðinu og skólalóðinni. Þrátt fyrir að vinnusvæðið sé vel afgirt er alltaf gott að fara varlega :) Hægt er að fylgjast með framgangi mála hér.

Í morgun var haldið þorrablót hjá nemendum eldri deildar, betra er seint en aldrei! Nemendur í matreiðsluvali ásamt nemendum 7. bekkjar útbjuggu sviðasultu, kartöflumús og rófustöppu og bökuðu rúgbrauð og flatbrauð undir öruggri handleiðslu Sibbu og Stínu Davíðs.