Dagur íslenskrar tónlistar

Nemendur við Tjarnarstíg að syngja saman
Nemendur við Tjarnarstíg að syngja saman

Í dag er dagur íslenskrar tónlistar og er haldinn hátíðlegur, í tilefni hans spiluðu helstu útvarpsstöðvar landsins þrjú íslensk lög samtímis kl. 11.15. Íslendingar gátu því sameinast við útvarpið og sungið lög til heiðurs íslenskri tónlist, en þetta er fimmta árið sem haldið er upp á daginn með þessum hætti. Markmiðið er að fá börn í skólum og leikskólum, fólk á vinnustöðum og alla alls staðar til að kveikja á útvarpinu klukkan 11.15 og syngja með!

Lögin sem um ræðir eru Bláu augun þín, lag eftir Gunnar Þórðarson, texti Ólafur Gaukur Þórhallsson, Krummi krunkar úti (þjóðlag) og Í síðasta skipti eftir Pálma Ragnar Ásgeirsson, Ásgeir Orra Ásgeirsson, Sæþór Kristjánsson og Friðrik Dór Jónsson.

Verðlaunin Lítill fugl verða veitt einstaklingi sem hefur þótt skara fram úr í stuðningi við íslenska tónlist á árinu.