Hljómsveitin Skuggamyndir frá Býsans kom í heimsókn til Fjallabyggðar í gær á vegum verkefnisins
Tónlist fyrir alla og héldu tónleika í Siglufjarðarkirkju og Tjarnarborg fyrir nemendur skólans. Meðlimir sveitarinnar fóru
með nemendur í stutt ferðalag í máli, myndum og tónum til nokkurra af Balkanlöndunum. Léku þeir á alls kyns skemmtileg og óvenjuleg
hljóðfæri.
Kennarar á yngra stigi höfðu undirbúið nemendur sína vel og sungu þeir með í nokkrum lögum.
Eins voru nemendur búnir
að kynna sér nöfn landanna, höfuðborganna og hvernig fánar viðkomandi landa litu út. Var gaman að heyra þessa frábæru
tónlistarmenn flytja þessa framandi tónlist.