Fréttir

Sýningar á verkum nemenda

Á morgun miðvikudag verða sýningar í skólahúsunum við Norðurgötu Siglufirði kl. 16 – 18 og við Tjarnarstíg Ólafsfirði kl. 18 – 20.  Ferðir skólabíls verða sem hér segir:   Frá Ólafsfirði  kl. 15.45 Frá Siglufirði  kl. 17.45 Frá Ólafsfirði kl. 19.45 

Heimasíður 1.- 4. bekkja

Fréttir af skólastarfinu við Norðurgötu hafa verið nokkuð reglulega settar inn á heimasíður bekkjanna í vetur. Hér eru hlekkir inn á hvora síðu. 1.-2. bekkur:  /s05 3.-4. bekkur: /s04

Fatasund

6. og 7. bekkur fóru í fatasund í sundtíma í morgun. Sólin skein glatt og myndaðist frábær stemming hjá nemendum sem voru duglegir sprikla í sundlauginni í fullum klæðnaði. Myndirnar tala sínu máli og er hægt að sjá þær hér.

Vinaliðar

Fyrr í vikunni fengur vinaliðar skólans ferð að launum fyrir vel unnin störf. Þau eyddu deginum á Akureyri þar sem ýmislegt skemmtilegt var brallað en myndir af deginum er hægt að sjá hér.  Það hefur verið í höndum Maríu B. Leifsdóttur að halda utanum verkefnið og vinaliðana og er hún hæstánægð með vinnuframlag vinaliðana og þátttöku nemenda.

Aðalfundur foreldrafélagsins í kvöld.

Minnum á aðalfund foreldrafélagsins í skólahúsnæðinu við Norðurgötu í kvöld kl 20:00

Bestu þakkir

Bestu þakkir til allra þeirra sem tóku á móti nemendum 10.bekkjar í starfskynningu. Án velvilja og hjálpsemi samfélagsins væri þetta ekki hægt. Takk fyrir okkur Grunnskóli Fjallabyggðar. Sjá fleiri myndir í lesa meira

Aðalfundur Foreldrafélagsins

Foreldrafélag Grunnskóla Fjallabyggðar boðar til aðalfundar ÞRIÐJUDAGINN 20. maí KL 20:00 Fundurinn verður haldinn í skólahúsinu Norðurgötu á Siglufirði.  Fundarefni: 1. Kosning fundarstjóra og fundarritara 2. Skýrsla stjórnar 3. Reikningar lagðir fram til samþykktar 4. Kosning stjórnarmanna 5. Kosning tveggja skoðunarmanna reikninga 6. Kosning fulltrúa í skólaráð, skv. starfsreglum félagsins 7. Önnur mál  Fyrir hönd stjórnar Foreldrafélags Grunnskóla Fjallabyggðar, Gunnar Smári Helgason formaður

10. bekkur í starfskynningu

Í þessari viku er hin áralega starfskynning 10. Bekkinga. Nemendur fara í ýmis fyrirtæki í Fjallabyggð og vinna í fjóra daga á tveimur starfsstöðvum.  Úrval starfsstöðva er fjölbreytt og spennandi og þykir m.a. grunn- og leikskólinn spennandi staður fyrir starfskynningu. Í morgun mættu fjórir 10. bekkingar við Tjarnarstíginn og  munu þeir aðstoða við kennslu yngri nemenda.

Frábær árangur í stærðfræðikeppni FNV, MTR og 9. bekkjar

Úrslit stærðfræðikeppni Fjölbrautarskóla Norðurlands vestra og MTR í samstarfi fyrir 9.bekkinga á svæðinu fór fram í bóknámshúsi fjölbrautarskólans s.l. föstudag 2.maí. Björn Vilhelm Ólafsson, Sara María Gunnarsdóttir og Þorgeir Örn Sigurbjörnsson úr Grunnskóla Fjallabyggðar komust öll í úrslit og stóðu sig vel. Björn Vilhelm lenti í 1.sæti og hneppti þar með sigurinn af 170 nemendum sem upphaflega tóku þátt. Við óskum krökkunum öllum til hamingju með frábæran árangur og Birni Vilhelm til hamingju með sigurinn.  

SÍMANÚMER
464 9150